Solusyon sa Problema ng Unemployment sa Bansa, Tinalakay sa Ika-12 Development Policy Research Month
Written by: Gerry Alcantara/Ruth Navales of UNTV News, Date Published: August 29, 2014
Ang makahanap ng solusyon sa problemang tinatawag na “jobless growth” sa bansa ang layunin ng inilunsad na 12th Development Research Month ng Philippines Institute of Development Studies o PIDS (UNTV News)
Ang makahanap ng solusyon sa problemang tinatawag na “jobless growth” sa bansa ang layunin ng inilunsad na 12th Development Research Month ng Philippines Institute of Development Studies o PIDS (UNTV News)
 

MANILA, Philippines – Inilunsad nitong Huwebes ng Philippine Institute of Development Studies (PIDS) ang ika-12 Development Policy Research Month o DPRM.

Batay sa Presidential Proclamation No. 247 of 2002, mandato ng PIDS na magsagawa ng DPRM tuwing buwan ng Setyembre bawat taon.

Tema ng DPRM ngayong taon ang “Addressing the Jobs Challenge Toward Inclusive Growth”.

Pag-uusapan ng mga policymaker, development researcher, at labor leaders kung paano malulunasan ang lumalalang jobless growth, unemployment at underemployment gayong patuloy naman sa paglago ang ekonomiya ng bansa.

Ayon kay Dr. Gilberto Llanto, presidente ng PIDS, napapanahon ang pagsasagawa ng DPRM dahil sa isinusulong na inclusive growth agenda ni Pangulong Benigno Aquino III.

“This year, the PIDS is highlighting a very important issue… Job creation is a critical issue. It is high time that we take a look at the constraints and make use of the country’s abundant labor resources.”

Kabilang sa mga panelist sa naturang pagtitipon sina deputy Director-General Dr. Emmanuel F. Esguerra ng NEDA, Assistant Secretary Dr. Rafaelita M. Aldaba ng Department of Trade and Industry (DTI), PIDS President Dr. Gilberto M. Llanto, Dr. Aniceto C. Orbeta, Jr., senior research fellow ng PIDS.

Ayon kay Dr. Orbeta, kailangang amyendahan ang ilang polisiya sa labor protection dahil hindi ito nakatutulong sa mga manggagawa partikular ang minimum wage law.

Sinabi rin ni Orbeta na nagmungkahi na rin sila ng labor reforms at job expansion and development initiative for poverty alleviation.

Sa press conference, ipinrisinta ni DTI Assistant Secretary Rafelita Aldaba ang road map para sa pagpapalakas ng manufacturing industry sa tulong ng structural transformation upang makalikha ng maraming trabaho.

Dumalo sa paglulunsad ang mga kinatawan ng media at mga miyembro ng steering committee ng DPRM mula sa PIDS, Presidential Management Staff, NEDA, Department of Trade and Industry (DTI), Bureau of Local Employment (BLE), Commission on Higher Education (CHED), Civil Service Commission (CSC), Department of Labor and Employment (DOLE), Institute for Labor Studies (ILS), at Philippine Information Agency (PIA).

Latest Events

No events

Like US on Facebook

Twitter